നിന്റെ വികൃതിക്കൊരു കവിത പിറന്നു വെങ്കില്‍
നീ കവിതയേക്കാള്‍ മനോഹരം ..............
നിന്റെ ചിന്തകള്‍ക്ക് ജീവന്‍വെച്ചുവെങ്കില്‍
നീ ജീവനേക്കാള്‍ മനോഹരം ...................
നിന്റെ വരികളില്‍
ഇലകളില്‍ നിന്ന് ഇലകളിലേക്ക്
പോകാന്‍ കൊതിക്കുന്ന അപ്പൂപ്പന്‍ താടിയേക്കാള്‍
മൃദുലതയുണ്ടെങ്കില്‍
നിന്റെ വാക്കുകള്‍ക്ക് മഴയെ പ്രണയിക്കുന്ന
മയില്‍‌പീലിയുടെ നൃത്ത ചുവടുകളാണെങ്കില്‍
സായാഹ്ന സന്ധ്യയെ കാത്തിരിക്കുന്ന
പൂങ്കുയില്‍ പിന്നെയും പറയുന്നു .......
നീ കവിതയെക്കാള്‍ മനോഹരം
നീ ജീവനേക്കാള്‍ മനോഹരം
