Tuesday, June 26, 2018

കടലോര്‍മ്മകള്‍


   ഇന്ന് ജൂണ്‍ 27
   അവന്‍ തന്‍റെ ഡയറിയില്‍ കുറിച്ചു 

    കടലെത്ര മനോഹരം 
    കടലോര്‍മ്മകളോ
    അതിമനോഹരവും 

   ഇരമ്പലിന്‍റെ ചിറകടികള്‍ 
   കണ്ണടച്ച് കേള്‍ക്കുന്ന നേരമായിരിക്കണം 
   നനഞ്ഞു കുതിര്‍ന്ന കമ്പ് കൊണ്ട് 
   നീ കൊത്തിവെച്ചത് 

    പ്രണയസ്വകാര്യം 
    സൂര്യന്‍റെ ചുവപ്പ് സാക്ഷിയാണ് 

     മണല്‍ തരികളില്‍ നീ കുറിച്ചത് 
     ദരിദ്രനായ കര
     കടലിനു കൊടുക്കേണ്ട 
     കവിതയത്രേ 

     കടല്‍ കരയെ പുണരുന്നിടത്ത്
     കടല്‍ പറഞ്ഞ സ്വകാര്യം
     ആഴങ്ങളിലെ  പവിഴപുറ്റുകളുടെ 
     ജീവിതങ്ങളെ കുറിച്ചാണ്